Дæлстанцæ «Северный портал» байгом

Цæгат Ирыстоны хæхты электрон тыхы ног линийы арæзтад æмæ дæлстанцæйы рацарæзт кæронмæ æрхæццæ. Кадджын уавæры дæлстанцæ скусын кодтой Уæрæсейы æдасдзинады Советы секретары хæдивæг Рашид Нургалиев, Хуссар Ирыстоны президент Бибылты Анатолий æмæ Цæгат Ирыстоны хицауады сæрдар Дзанайты Барис. Республикæйы премьер регионы сæргълæууæг Сергей Меняйлойы номæй бузныг загъта энергетиктæн, зын æмæ ахсджиаг куыст цыбыр рæстæгмæ кæй сæххæст кодтой, уый тыххæй. Ныр ног дæлстанцæйы куысты руаджы Хуссар Ирыстоны электрон тыхдæттæн системæ зæрдæхсаинаг нал уыдзæн. Инвестициты иумæйаг бæрц у 1 млрд 300 милуан сомы. Афтæмæй электрон тыхы хъæрзхъæддзинад дæр фæхуыздæр. Банывыл кодтой Эзмийы æмæ Зæрæмæджы гидроэлектростанцæты тыхдæттæг схемæтæ. Дæлстанцæ «Северный портал» ис 2000 метры бæрзæндыл. Йæ арæзтады спайда кодтой инновацион методикæтæй. Куыстытæ æххæстгæнгæйæ спайда кодтой, хæххон уавæрты æнцонтæй чи архайы, ахæм техникæйæ. Сифтонг æй кодтой ног тыхдæттæг кусæнгæрзтæй дæр. Зæгъын ма хъæуы уый, æмæ йæм цæст дарæн ис æндæр сæрмагонд бынæттæй дæр. Уый та, зымæгон хæхты дæлстанцæйы цур мит 2 метрмæ 'ввахс куы руара, уæд. Амад ма дзы æрцыд зæйтæй бахъахъхъæнынæн сæрмагонд гæрæн дæр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv