Хъæугæ мадзæлттæ

Зæгъын хъæуы уый æмæ уæлдай ахсджиаг рауад Цæгат Кавказы æппæтадæмон фестиваль «Мариинский-Дзæуджыхъæу». Æрæмбырд кодта курдиатджын музыкантты æмæ аивадуарзджыты алы регионтæй. Фестивальы амидингæнæг у Гергиты Валерий. Сси хорз традицийы хуызы. Нæ республикæйы ма фæнд кæнынц æппæтадæмон тетралон фестиваль «На родине Вахтангова», зæгъгæ саразын. Баст уыдзæн дыууæ театралон вазыгджын цауимæ - Вахтанговы театры 100 азы æмæ Евгений Вахтанговы номыл уырыссаг театры 150 азы юбилейтимæ. Бæрæгбоны мадзæлттæ арæзт цæудзысты 2021-æм азы. Мæскуы æмæ Дзæуджыхъæуы Вахтанговы номыл театры кусджытæ сараздзысты гастрольтæ. Сæйраг нысан у цæмæй дунейы зындгонд къордты дæсныйад æрыгон фæлтæрæн дæнцæгæн хæссинаг уа. Уый тыххæй загъта республикæйы сæргълæууæг йæ ныстуаны дæр. Йæ ныхæстæм гæсгæ, хъæуы аивадмæ æмхиц чи у, уыцы адæмæн æппæт æмбæлгæ уавæртæ аразын, цæмæй сæ курдиат дзæгъæлы ма сæфа. Хицауад фæнд кæны фарон цы респукбликон конкурс уыди «Иры Фарн», уый æрвылазон скæнын. Уæлдай æргом аздахын хъæуы адæмон æрмдæсныйады рæзтмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv