Фидæны хъахъхъæнджытæ

Уæрæсейы Суворовы номыл училищæтыл сæххæст 75 азы. Кусын райдыдтой 1943 азы 19 декабры. Юбилейы фæдыл кадджын мадзал сарæзтой Дзæуджыхъæуы дæр. {Цæгат Кавказы æфсæддон училищæйы уыдис цымыдисаг концерт. Æрбахуыдтой йæм Фыдыбæстæйы Стыр хæсты ветеранты æмæ училищæйы ахуыргæнинæгты сæ ныййарджытимæ. Мадзалмæ чи æрбацыд, уыдонæн арфæйы ныхæстæ загъта нæ республикæйы хицауады сæрдар Тускъаты Таймураз. Училищæйы ахуыргæнджытæй разы у, бирæ азты Фыдыбæстæ хъахъхъæнджыты кæй хъомыл кæнынц, уый фæдыл. Кадджын мадзалы фæстæ лæппуты схорзæхджын кодтой, ахуыры хорз бæрæггæнæнтæ кæй æвдисынц, уымæ гæсгæ. Ныртæккæ училищæйы ис 226 лæппуйы. Ам ахуыр кæнынц 5 къласæй 11 къласы онг. Уæвгæ та училищæ йæ равзæрды бонæй фæстæмæ рауагъта 725 лæппуйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv