Скъоладзаутæн тæвд хæринаг хæрын кæныны тыххæй бюджетæй рахай кодтой 140 милуан сомæй фылдæр

Райдиан кълæсты ахуырдзаутæ ног ахуырадон азы хæрдзысты тæвд хæринаг. Федералон бюджетæй уый тыххæй рахай кæндзысты 140 милуан самæй фылдæр. Цæгат Ирыстоны ахуырад æмæ наукæйы министр Людмила Башаринæйы ныхæстæм гæсгæ, иу сихор аходæны аргъ уыдзæн 54 сомы æмæ 50 копеччы. Ныридæгæн кусæг къорд архайы сæрмагонд меню саразыныл. Уæ зæрдыл уын æрлæууын кæндзыстæм, 6-æм февралы Паддзахадон Думæйы ахуырад æмæ наукæйы комитет закъоны проектмæ ног æркасты фæстæ бафыста уагæвæрд - скъоладзаутæн лæварæй цы `мбæлы, уыцы тæвд хæринæгты домæнтæ. Ивддзинæдты фыст куыд æрцыд, афтæмæй райдиан кълæсты ахуырдзаутæ лæвар тæвд хæринаг боны дæргъы 1 хаттæй къаддæр хъуамæ ма хæрой. Уыимæ ма, менюйы хъуамæ уа тæвд хæринаг æмæ тæвд цыминаг. Пайда кæндзысты федералон, регионалон æмæ бынæттон бюджетты фæрæзтæй. Скъолаты аходæн кæныны хъуыддагæн дзуапп дæтдзæн ахуырад æмæ наукæйы министрад. Фарстайыл бакусæн уыдзæн ацы аз, 1 сентябрæй - 2023-æм азмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv