Æнæниздзинады тыххæй

Дзæуджыхъæуы байгом ортопедон салон «Ортосити», зæгъгæ. 10 азæй фылдæр ацы компани Цæгат Кавказы республикæты ифтонг кæны низ дзæбæхгæнæн хъæугæ гæрзтæй. Компанийы кусынц фæлтæрдджын специалисттæ, се `ххуысы авналæнтæ архайынц уæрæх æмæ ахадгæдæр кæныныл. Бæлвырддæр хабæрттæ уын радзурдзæн нæ уацхæссæг. Бæрæгбонмæ алцыдæр цæттæ. Сырх лент кадджын уавæры алыг кодтой. Зынгонд компани «Ортосити» Дзæуджыхъæуы байгом кодта ортопедон салон. Фыццаг æрбацæуджытæн радзырдтой æмæ равдыстой, уæрæсеаг æмæ фæсарæйнаг медицинон кусæнгæртæ. Се `ппæт дæр стæгдар æмæ нуæртты низтæ дзæбæх кæнынмæ сты. Руслан Маматы, ортопедон салонтæ «Ортосити»-йы хызæджы æххæстгæнæг директор: «Фæсопераци чи бахъæуа, ахæм гæрзтæ нæм бирæ ис. Сывæллоны райгуырдмæ чи æнхъæлмæ кæсы, уыцы сылгоймæгтæн нæм ис тынг фæлмæн базтæ. Сывæллæттæн - ортопедон гобæттæ». Уæрæсеаг компани «Трелакс» æмæ немыцаг компаниты товартæ. Дзабыртæ, базтæ, гобæттæ. Æппæт дунейы раззагдæр ортопедон куыстуæтты товартæ фенæн ис Ортоситийы. Специалисттæ куыд зæгъынц, афтæмæй ныры дуджы адæймаг йе уæнгтæ тынг не змæлын кæны. Уый æнæнæздзинадæн зиан у. Химæ зилын хъæуы. Ортоситийы йæ зонынц, куыд, уый. Эксклюзивон, зæгъгæ, товарты `хсæн ссарæн ис сæрмагонд рон, йæ астæуыхъæд кæмæн риссы, уыцы адæмæн. Уый нуæрттæ хъæддых кæны.Уымæй уæлдай ма рыст фæкъаддæр вæййы. Роны руаджы адæймаг йæхи фенкъары хуыздæр. Компани 10 азæй фылдæр кæны ацы куыст. Цæгат Кавказы республикæты ацы компани æппæт хъæугæ дзæбæхгæнæн гæрзтæй ифтонг кæны. Уымæй уæлдай ма компани æххуыс кæны паддзахадон проекттæ æххæст кæнынæн, йе `нæниздзинад хъыгдард кæмæн у, ахæм адæмæн. Архайы хæрзаудæн акциты. 2009-æм азы «Ортосити» ссис ортопедон компани «Никомед»-ы сæрмагонд минæвар. Кæрæдзиимæ æнгомæй кусы. Ольга Новикова, компани «Никомед»-ы медицинон маркетинджы директор: «Дзæуджыхъæуы ахæм дукани кæй байгом ис, уый тынг хорз хъуыддаг у. Æрмæст травматологтæ, ортопедтæ, неврологтæ, нейрохирургтæ, дадзинты хирургтæн нæу ахсджиаг, фæлæ æгас горæты цæрджытæн дæр». Ног ортопедон салоны бацæттæ кодтой сæрмагондæй специалистты. Компанийы минæвæрттæ нын куыд бамбарын кодтой, афтæмæй сæ сæйраг хæс у æмбæлгæ æххуыс бакæнын. Уымæй уæлдай ма уæлдай цæст дарынц сæ продукцийы хæрзхъæддзинадмæ. Наталья Петрова, компани «Никомед»-ы регионалон медицинон эксперт: «Адæймаг хъуамæ йæхиуыл куса. Йæхи хъуамæ æнæниз цардыуагыл æфтауа. Йæ нуæрттæ хъæддых кæна. Адæймагæй исты куы рисса, уæд спорты хи фæлварын зын вæййы. Махæн нæ хæс у рынчынтæн сæ низ сдзæбæх кæнынæн хъæугæ гарз равзарын. Уый йын йæ низ фæрогдæр кæнынæн ахъаз уыдзæн». Фыццаг æрбацæуджытæ бабæрæг кодтой ног дукани. Се `хсæн - Торчынты Людмилæ дæр. Сылгоймагæн бирæ Азты риссы йæ астæуыхъæд. Йæ зæрдæ дары, ам ын кæй баххуыс кæндзысты, ууыл. Людмила Торчинова: «Мæнæн тынг æхсызгон у, нæ горæты ахæм дукани кæй фæзынд, уый. Низ фæрогдæр кæнынмæ ам æппæт хъæугæ дзаумæттæ дæр ис. Дохтыртæн дæр ныр æнцондæр уыдзæн адæмы рынтимæ тох кæнын». Дзæуджыхъæуы ахæм ортопедон дукани фыццаг у. «Ортосити» ма бирæ хæстæ `вæры йæ размæ. Ныфс сæ ис, сæ къухы кæй бафтдзысты, уымæй. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv