Кæрæдзийы ныхмæ

Дыккаг æппæтдунеон турнир "Ариана бокс-2" ирон спортсментæн æрхаста ног уæлахизтæ.  Професионалон боксы изæры уыд 9 фембæлды, 7 уæзы. Турниры архайдтой 8 ирон боксеры. Уыдон иууылдæр сты Сланты Виталийы хъомылгæнинæгтæ. Чысыл раздæр нын нæ уацхæссæг Томайты Аланæ куыд фехъусын кодта, афтæмæй сæ алчидæр фесгуыхт. 59 килограммы уæзы уæлахидзау ссис Къæбысты Аслан. 63 килограммы уæзы рамбылдта Байты Сослан. Камерунаг боксер Данила НегАтайыл та жюрийы уæнгты хатдзæгтæм гæсгæ фæтых ис Моурауты Хетæг. Ацы минутмæ ма базыдтам уый, æмæ уæлахиздзау ссис ЛенАр ФрансуА - Кубæйаг боксер. Уый дæр у Сланты Виталийы хъомылгæнинаг. Фæтых техникон нокаутæй йæ ныхмæлæууæг Иса Джамалдиновыл Кæсæг-Балхъарæй. Турниры архайдтой æрмæст Цæгат Ирыстоны минæвæрттæ нæ, фæлæ ма Дунейы æмæ Уæрæсейы богæлттæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv