Адæмты хæлардзинады республикон хæдзары сарæзтой хæстон зарджыты фестиваль
Адæмты хæлардзинады республикон хæдзары ацыд фестиваль «Песня, опаленная войной». 14 сфæлдыстадон коллективы азарыдысты зæронд æмæ ног хæстон зарджытæ. Мадзал сарæзтой Уæлахизы боны агъоммæ. Йæ сæйраг нысан у – скъоладзауты патриотон хъомылад æмæ фæсивæды сфæлдыстадон курдиаты райрæзт. Фестиваль аразджыты ныхæстæм гæсгæ, фæсивæд æнтыстджынæй æмæ зæрдæргъæвдæй архайынц патриотон æмæ социалон вазыгджын акциты. Се 'хсæн сæрмагонд æфсæддон операцийы архайджытæн æмæ сæ бинонтæн æххуысы мадзæлттæ дæр.