РЦИ-Аланийы куыстдæттыны комитеты æххуысæй фæзындысты ног гæнæнтæ

Цæгат Ирыстоны куыстдæттыны комитет кусы федералон проект «Старшее поколение» æмæ националон проект «Демографи»-тыл. Уыдоны фæрцы, пенсимæ чи нæма рацыд, уыцы адæмæн ис фадат уæлæмхасæн ахуырад райсын. Проекты арæзджыты ныхæстæм гæсгæ, ныртæккæ хистæр кары адæмæн сæ фылдæры хъæуы уæлæмхасæн ахуырад æмæ сæ фæндгæ дæр кæны. Зæгъæм, бухгалтеры дæсныйад кæмæ ис, фæлæ уыцы зонындзинæдтæй чи нæ спайда кодта, уыдонæн сæ бон уыдзæн фидæны уæлæмхасæн ахуырад райсын уыцы иу дæсныйадæй, кæнæ та ма ноджыдæр æндæр равзарын. Комитеты пресс-службæйы секретары ныхæстæм гæсгæ, нырма пенсимæ чи нæма рацыд, уыдонæн ис алы фадæттæ дæр, цæмæй ног зонындзинæдтæ райсой æмæ сæ дарддæр спайда кæной. 2019-æмæй 2024-æм азмæ пенсион реформæмæ гæсгæ, æххæстгонд цæуы ацы сæрмагонд программæ. Уæлæмхасæн ахуырад чи исы, уыдоны ныхæстæм гæсгæ, ныртæккæ ацы проект тынг хъæугæ у. Стыр æххуыс у ацы проектæн Цæгат Ирыстоны Паддзахадон университет дæр. Ныртæккæ ам дыууæ мæйы ахуыр кæндзысты къорд адæймаджы. Уыимæ ма нæ республикæйы иу æмæ дыууæ бынаты нæ архайынц проекты архайджытæ. Пенсимæ чи нæма рацыд, уыдоны ма ныртæккæ ахуыр кæнынц Хæххон-металлургон институты, электрон колледжы æмæ базарадон-экономикон техникумы. уæлæмхасæн ахуыртæ сты лæвар. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv