Абон байгом Кавказаг инвестицион равдыст

Абон сихорæй байгом Кавказаг инвестицион равдыст. Архайынц дзы Цæгат Кавказы регионты минæвæрттæ æмæ федералон хицауады уæнгтæ. Мадзал аразæг Фонд Росконгресс, уыимæ корпораци «КАВКАЗ.РФ». Равдысты фæлгæты цæуы форум дæр. Раззагдæр эксперттæ дзурынц ахсджиаг фарстатыл. Программæйы – Цæгат Кавказы туристон æмæ инвестицион авналæнтæ фæуæрæхдæр кæнын. Нæ республикæ бацæттæ кодта презентацион стенд. Æвдыст дзы цæуынц 5 раззагдæр проекты. Равдыст æмæ форум цæудзысты дыууæ боны. Уыцы рæстæгмæ сараздзысты фембæлдтытæ æмæ тымбыл стъæлттæ. Ныхас кæндзысты инфраструктурæ, агропромышленнон комплекс, туристон æмæ логистикон къабæзтыл. Се 'ргом аздахдзысты фæстауæрцгæнæн резерв, банчы секторы куыст ӕмӕ Цæрæнуæтон-коммуналон хæдзарадмæ, стӕй энергетикæйы къабазмæ. Фæзуат фæнд кæны бабæрæг кæнын Уæрæсейы хицауады сæрдар Михаил Мишустин. Цалдæр боны дæргъы бынаты кусдзæн не сфæлдыстадон къорд. Фыццаг Кавказаг инвестицион равдысты цымыдисагдæр хабæртты тыххæй дзурдзыстæм нæ дарддæры равдыстыты.