Арæзтады хæрзхъæддзинад

Тускъаты Таймураз абон ис куыстадон балцы Республикæйы районты. Бæрæг кæны ног социалон объектты арæзт куыд цæуы, уый. Хицауады сæрдар уыдис Рахизфарсы районы рынчындоны. Ныртæккæ дзы цæуынц арæзтадон куыстытæ. Уымæн фарон президенты фæстауæрцгæнæн фондæй радих кодтой 17 милуан сомæй фылдæр. Ног бæстыхайы сараздзысты хирургон хайад, 20 бынатимæ, реанимаци 6 бынатимæ æмæ сывæллæтты дзæбæхгæнæн хайад – уым та уыдзæн 15 бынаты. Уымæй уæлдай ма Тускъаты Таймураз бабæрæг кодта Беслæны 2 рæвдауæндоны. Дзырдтой рады лæууыны фарстайыл. Нырма дæр у ахсджиаг. Хицауады сæрдары ныхæстæм гæсгæ, бæстыхæйтты цур фæзындзæг ног микрорайон. Дзæуджыхъæуы та Тускъаты Таймураз æркаст 27-æм скъолайы куыстытæ куыд цæуынц, уымæ.  Бæстыхай сарæзтой æстай азы размæ. Фарон æй цæалцæг кæнынмæ бавнæлдтой. Абоныбонмæ бæстыхайы сæр æмбæрзыны куыстытæ ахицæн сты, уымæй уалдай ма къултæ дæр байсæрзтой. Аразджытæ куыд загъынц, афтæмæй кустытæ фæуыдзысты сентябрмæ. Бæрнон адæм уый фæстæ араст сты Национ музеймæ. Уым дæр арæзтадон куыстытæ сæ тæмæны бацыдысты. Нырма уал дзы цæттæ у иу хай, ацы аз ацы аз барæвдз кæндзысты дыккаг дæр. Иннæ азмæ та зæрдæ æвæрынц, куыстытæ иууылдæр кæй фæуыдзысты. Тускъаты Таймураз ма бабæрæг кодта Дзæуджыхъæуы тар низты диспансер. Ног бæстыхай арæзт фæуыдзыдсты ацы аз. Уыдзæн дзы 276 бынаты. Диспасер аразынц федералон программæмæ гæсгæ. Радих ын кодтой 1 миллиард æмæ 200 милуан сомы. Тускъаты Таймураз бафарста, куыстытæ афоныл фæуыдзысты, æви нæ, уымæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv