Æппæтуæрæсеон Адæмон Фронт сиды адæммæ

Æппæтуæрæсеон адæмон фронты уæнгтæ расидтысты республикæйы цæрджытæм, цæмæй хабар кæной фæндæгтыл цы сусæг видео исæн камерæтæ ис, уыдоны тыххæй. Цы хъусынгæнинæгтæ рабæрæг кæндзысты, уыдон хынцгæйæ, бæлвырд информаци арвитдзысты прокуратурæмæ. Афтæмæй хъуыддагыл кусдзысты закъоны бындурыл. Ахæм хъуыды сæм фæзынд Уæрæсейы президент Владимир Путины ныхæстыл æнцайгæйæ. Паддзахадон советы æмбырды уый куыд фехъусын кодта, афтæмæй сусæг камерæтæ фæндæгтыл æвæрын раст нæу. Уый тыххæй æмæ сæ сæйраг нысаниуæг у - фæндаггон фыдбылызтæй бахизын æмæ адæмы æдасдзинадæн æмбæлгæ уавæртæ саразын. Уæд, Владимир Путин загъта, видео исæн камерæтæ хъуамæ æхца кусынæн æвæрд ма уой. Домæнтæм гæсгæ, камерæтæ ифтонг кæнæн ис фæндаджы схемæмæ гæсгæ. Хъуамæ ма нысангонд уой регионы паддзахадон автоинспекцийы разамонæджы ныхасæй. Закъонхæлдтытæ чи рабæрæг кодта, уыдонæн сæ хъусынгæнинæгтæ арвитыны фадат ис Æппæтуæрæсеон Адæмон Фронты мобилон уæлæфтуанмæ «Убитые дороги», зæгъгæ. Кæнæ та регионалон хайады электрон почтæмæ æмæ ма социалон хызты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv