Цæгат Ирыстоны райдыдта профилактикон акци «Пешеход»

Цæгат Ирыстоны райдыдта профилактикон акци «Пешеход», зæгъгæ. Йæ сæйраг нысан — фистæгцæуджытимæ фæндаггон фыдбылызты профилактикæ. Цалдæр боны дæргъы инспектортæ рад хæсдзысты, хæдтулгæтæ фылдæр кæм змæлынц, уыцы уынгты. Уæлдай æргом здахдзысты, фистæгцæуджытæ фæндаджы сæрты æмбæлгæ бынаты хизынц æви нæ, уымæ. Уыимæ ма, бæрæг кæндзысты, закъонмæ гæсгæ сын фæндаджы сæрты ахизыны бар цы шофыртæ нæ дæттынц, уыдоны дæр. Паддзахадон инспекци зæрдыл лæууын кæны, изæрыгон рухсæздахæн нысæнттæй кæй пайда кæнын хъæуы, уый. Шофыртæ хъуамæ зæрдыл дарой, фæндаггон æдасдзинады уагæвæрдты сæрты куы ахизой, уæд сӕ административон æгъдауæй ивар кæй хъæудзæн бафидын - 1 мин 500 сомæй - 2 мины онг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv