Алæмæты аргъау

Оперæ æмæ балеты национ паддзахадон театры равдыстой музыкалон аргъау. Сывæллæтты бахъæлдзæг кодтой Сергей Баневичы оперæ «Кот Мурыч»-æй. Аргъауы ныхас цæуы, йæ гуырæнбон йæ бинонтæ æмæ йе рдхæрдтимæ чи бæрæг кæны, уыцы гæдыйы тыххæй. Равдыст у бынтон чысыл сывæллæттæн арæзт. Сæ зæрдæмæ тынг фæцыд хъæлдзæг спектакль. Архайгæ та дзы кæнынц нæ республикæйы Мариинаг театры филиалы солисттæ. Спектакль сценæйыл сæвæрдтой режиссер Уалыты Гиви, хореограф ын у Суанты Валерий, сфæлдыстадон разамонæджы хæстæ та йæхимæ райста Гергиты Ларисæ. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv