«Чындздзон» «Запорожец»

50 азы кæуыл цæуы, уыцы «Запорожец» рацыд европæйаг чемпионты 'хсæн финалмæ. Ерыстæ цыдысты Австрийы. Кастысты дзы, машинæйы цы музыкалон фæрæзтæ ис, уыдон хъæрдæр æмæ рæсугъдæр кæмæн зæлынц, уымæ. Хæдтулгæйы хицау у «Алания Рэйсинг клуб»-ы минæвар, Уæрæсейы æртæ хатты чемпион, «тюнинг» æмæ рæсугъд зæлынæй уæлахиздзау Сергей Мусаилов. Уый 3 азмæ йæ раритетон хæдтулгæйæ рамбылдта Уæрæсейы æмæ Евразийы машинæты равдыстыты æмæ чемпионатты æппæты кадджындæр хæрзиуджытæ. Сергейы ныхæстæм гæсгæ, «Запорожец»-æн ма йæхи хæйттæй æрмæстдæр йæ раззаг авг баззад. Цæмæй згæ машинæйы хæррæгъæй суперкар, зæгъгæ, рауайа, ууыл æй бахъуыд 7 азы бакусын. Ныр цæттæ кæны йæхи финалмæ, уыдзæнис Зальцбурджы. Æрмæст Сергей Мусаилов иу хъуыддагæй тыхсы: спонсортæ æмæ йæм фæрæзтæ фаг кæй нæй, уый аххосæй йæ бон у чемпионатæй фæхауын.  _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv