Сывæллæтты фидæнæн

Сывæллæттæ нæ фидæн кæй сты, уый алчидæр зоны. Фæлæ сæ хъомылад æмæ ахуырадмæ алкæмæ алыхуызон цæстæнгас ис. Алыхуызон куыст кæнынц. Куыд? Уымæ та кæсынц адæмон фронты уæнгтæ. Бабæрæг кодтой рæвдауæндæттæ æмæ æркастысты сывæллæтты уавæртæм. Семæ цавæр хъомыладон æмæ ахуырадон куыст цæуы, уымæ. Сæ хатдзæгты тыххæй фехъусын кодтой не сфæлдыстадон къордæн. Цалынмæ сывæллæттæ сæ къордтæм тындзынц, уæдмæ уал адæмон фронты уæнгтæ ныхас кæнынц сæ ныййарджытимæ. Æппæтуæрæсеон проект "Хæрзхъæддзинадæн - адæмы аргъ", загъгæ, уый фæлгæты фронты разæнгарддæр уæнгтæ бæрæг кæнынц сывæллæтты рæвдауæндæтты куыст. Æрбацæуынц, кæцымæ сæ фæнды, уырдæм, стæй æнæ рагацау баныхас кæнгæйæ. Цæстæ цæуыл æрхæцы, уыймæй уæлдай ма ныййарджытæн радтой сæрмагонд анкетæтæ. Уыдон дзы хъуамæ рæвдауæндоны куыстæн сæвæрой бæрæггæнæнтæ. Раст мæнæ скъолайы куыд вæййы, афтæ. Рæвдауæндæтты куыст иртасджытæ кастысты алцæмæ дæр. Алфамблайы фæлыстмæ, æнæмæнг хъæугæ кусæнгæрзтæм, хъæбæр нозт уæйгæнæг дуканитæ рæвдауæндæттæм цас дард сты, суанг уый дæр ма. Уæдæ сæ уагдоны куысты `ргомдзинадмæ `ркæсын дæр нæ ферох. Афтæ - цы лæггæдтæ кæнынц, уыдоны æмбæлгæдзинад æмæ ахаст. Рæвдауæндоны кусджытæ сывæллæттæм цас худæндзастæй кæсынц, сæ фæллойæ сын ныййарджытæ цас разы сты, уымæ та фронты уæнгтæ уæлдай цæстæнгас аздæхтой. Уæдæ сын рæвдауæндонмæ `ввахс фæндаджы сæрты ахизæнты уæвынад дæр ахсджиаг уыд. Æдæппæтæй фронты уæнгтæ басгæрстой 10 рæвдауæндоны куыст. 5 - Дзæуджыхъæуы, иннæ 5 та - районты. Æмткæй райсгæйæ, разыйæ сæ баззадысты. Уæлдай тынгдæр сæ зæрдæмæ фæцыдысты Беслæны æмæ Архонкæйы рæвдауæндæттæ. Суанг ма сын социалон хызæгты хицæн сыфтæ дæр разынд. Уый фæбæрæг уыдзæн фронты кæронбæттæн бæрæггæнæныл дæр. Фæлæ цæмæй хуыздæртæ сæхиуыл æгæр ма фервæссой, уыйтыххæй фронт иннæ рæвдауæндæтты аиппытæ фæнысан кодта. Сæ фиппаинæгтæ адæмон фронты уæнгтæ ныр арвитдзысты бынæттон администрацитæм. Уыйфæстæ иртасджытæ бавналдзысты сывæллæтты лагерты куыстмæ кæсынмæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv