Лæмбынæг цæстдард

Цæгат Ирыстоны хицауады сæрдар Тускъаты Таймураз æркаст республикæйы социалон бæстыхæйтты арæзтадмæ. Бабæрæг кодта Горæтгæрон районы цы 2 ног рæвдауæндоны аразынц уыдон . Æрæфы районы та Толдзгуны байгом кодтой нырыккон домæнтæн дзуапп чи дæтты ахæм фелДшерон -акушерон пункт. Афæдз æмæ йæ `рдæгмæ сарæзтой. Бæлвырддæр уын радзурдзæн нæ уацхæссæг. Тускъаты Таймураз йæ кусæг балц райдыдта тарниз дзæбæхгæнæн диспансерæй. Ам куыстытæ кæронмæ фæхæццæ кæнынц. Ифтонг æй кæнынц хъæугæ кусæнгæрзтæй. Уый фæстæ премьер бабæрæг кодта республикæйы спортивон хъæбысхæсты центр. Бæстыхай бындуронæй цалцæг кæнынц. Йæ сæр ын ногæй раивтой. Хъæуы ма дзы мидæггаг куыстытæ бакæнын. Уымæй уæлдай ма Тускъаты Таймураз федта Сунжæйы амбулаторит. Ис дзы 100 дзæбæхгæнæн бынаты. Тускъаты Таймураз бабæрæг кодта Иры хъæу æмæ Дачныйы рæвдауæндæтты арæзтад. Дыууæ объекты дæр иухуызон сты. Се *руаджы Горæтгæрон районы сабиты рады лæууын нал хъæудзæн. Тускъаты Таймураз ма бабæрæг кодта Æрыдоны стадионы цалцæггæнæн кустытæ куыд цæуынц уый дæр.Арæзтадыл фæнд кæнынц 17 милуан сомы бахардз кæнын. Трибунæты уыдзæн 500 бынаты, уымæй уæлдай ма дугъгæнæн фæндæгтæ. Кусæг балцы сæйрагдæр хъуыддаг уыд Толдзгуны фелшырон-акушерон пункт кæй байгом ис ,уый. Толдзгуны цæры 500 адæймаджы. Раздæр медицинон æххуыс райсынмæ цыдысты Цыколамæ. Ныртæккæ та ацы пункты алцыдæр ис. Хъæуы цæрджытæ бирæ æнхъæлмæ кастысты ацы хъуыддагмæ. Хицауады сæрдар ма бабæрæг кодта Хæзныдоны цы ног хид аразынц уый дæр. Уый нырыккон домæнтæм дзуапп дæтдзæн. Зæронд хид сæхгæндзысты. Абон ма Тускъаты Таймураз федта Цыколайы æмæ Сырх Дыгуры культурæйы хæдзæртты цалцæггæнæн куыстытæ. Хицауады сæрдар куыд бафиппайдта афтæмæй дарддæр дæр бæрæг кæндзæн социалон объектты арæзтадон æмæ цалцæггæнæн куыстытæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv