«ЦæгатКавказэнерго» зымæгон рæстæгмæ цæттæ у

«ЦæгатКавказэнерго»-йы куыд фехъусын кодтой, афтæмæй электрон тыхы цæттæдзинад зымæджы уавæрты кусынмæ æмбæлгæ уагыл ис. 2019-æм 2020-æм рæстæгмæ куысты цæттæдзинады паспорт филиал, «ЦæгатКавказэнерго»-йы разамонæг Таболты Алыксандрæн снысан кодта Электорон тыхты хæдзарады объекты цалцæг æмæ рацарæзты департаменты разамонæг Харебаты Олег. Уый куыд бафиппайдта, афтæмæй цæттæгæнæн мадзæлттæ баххæст кодтой пъланмæ гæсгæ. Сæйрагдæр у, цæмæй цæрджытæм электрон тых цæуа æнæ къуылымпыйæ.«ЦæгатКавказэнерго» зымæгон рæстæгмæ цæттæ кæй, у, уый къухы бафтыд, специалисттæ сæ куыст бæстонæй кæй баххæст кодтой, уый руаджы. Арæзтадон æмæ техникон куыстытæ специалисттæ бакодтой 76 центры. Ныссыгъдæг кодтой электрон тыхты линитæ 28 гектары фæзуатыл. Ногæй баивтой телтæ. Æдæппæтæй 222 километры. Оперативон цалцæггæнæн къорд ифтонггонд у æппæт хъæугæ кусæнгæрзтæй дæр. Мобилон къорды ис 9 специалисты æмæ сæрмагонд техникæйы 4 иуæджы. Æвæстиаты цаутæн снысан кодтой 17 къорды. Æдæппæтæй 135 адæймаджы æмæ сæрмагонд техникæйы 32 иуæджы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv