Хестанты-Бутаты Победæйы дыууæ ног чиныджы
Зындгонд журналисттæ, фысджытæ, культурæйы къабазы сгуыхт кусджытæ. Æрбамбырд сты сæ уарзон хæлар, æмкусæг Хестанты-Бутаты Победæйы куыстæн стыр аргъ скæнынмæ. Телеуынынад æмæ радиойы ирон хайады бындурæвæрджытæй иу, сæ райрæзтмæ стыр æвæрæн чи бахаста, уыцы фæлтæрдджын специалист. Уæвгæ, 40 азы хабæрттæ цæттæ кæнын, уырыссаг æвзагæй сæ иронмæ ратæлмац кæнын æнцон хъуыддаг нæ уыд, уымæн æмæ уыцы куыст раздæр ничи кодта. Удуæлдай архайд, бæрнондзинад æмæ йæ куыстмæ уарзондзинады руаджы йæ къухы бафтыд стыр æнтыстдзинæдтæ. Курдиатджын журналисты куыст кæддæриддæр бæрæг дардта, фæндаг-иу ссардта радиомæхъусджыты зӕрдæм. Уый та Победæйæн уыд йе стырдæр хорзæх. Цæрджытæ бауарзтой Победæйы новеллæтæ æмæ очерктæ дæр. Уыдон арæх мыхуыргонд цыдысты республикон æмæ районты газетты. Адæмы хъысмæт, нæ истори, æрдзы сусæгдзинæдтæ рагæй цымыдис кодтой Победæйы. Йæ фыццаг чиныг "Курдиаты рухс" уагъд æрцыд 2016 азы. Абон рухс федтой Победæйы дыууæ ног чиныджы. Сæ иу – "Лæджы фæд а-зæххыл". Куыста сыл 2019-æм азæй. Автор дзы равдыста хæсты чи архайдта, уыдоны цард, цард сыл цы хъæдгæмттæ ныууагъта, уыдон. Иннæ чиныг та тæлмац ракодта. Бакуыста Джек Лондон, Эрнес Хемингуэй æмæ Проспер Меримийы уацмыстыл. Хестанты-Бутаты Победæ тæлмацгæнгæйæ, архайдта автортæн сæ удварн, хъæздыгдзинад æмæ зæрдæйы сагъæстæ ирон æвзагмæ æххæстæй ратæлмац кæнын. Бауарзын сæ кæнын чиныгкæсæгæн. Чингуыты редактор - Цомартаты Изæтбег. Номдзыд фыссæг Победæимæ базонгæ, институты ма куы ахуыр кодтой дыууӕйӕ дӕр, уæд. Уæдæй абонмæ кæнынц æнгом куыст. Бутаты-Хестанты Победæ райгуырд 1945 азы 9 майы. Цæгат Ирыстоны паддзахадон педагогон институт каст куы фæцис, уæд кусын райдыдта газет "Рæстдзинад"-ы. Уый фæстæ та 40 азы снывонд кодта Цæгат Ирыстоны радиойæн. 2017 азы рацыд пенсимæ. Абон дæр лæууы йæ кæстæр æмкусджыты цур. Æхсызгонæй сын лӕвар кæны йæ зонындзинæдтæ.
Зындгонд журналисттæ, фысджытæ, культурæйы къабазы сгуыхт кусджытæ. Æрбамбырд сты сæ уарзон хæлар, æмкусæг Хестанты-Бутаты Победæйы куыстæн стыр аргъ скæнынмæ. Телеуынынад æмæ радиойы ирон хайады бындурæвæрджытæй иу, сæ райрæзтмæ стыр æвæрæн чи бахаста, уыцы фæлтæрдджын специалист. Уæвгæ, 40 азы хабæрттæ цæттæ кæнын, уырыссаг æвзагæй сæ иронмæ ратæлмац кæнын æнцон хъуыддаг нæ уыд, уымæн æмæ уыцы куыст раздæр ничи кодта. Удуæлдай архайд, бæрнондзинад æмæ йæ куыстмæ уарзондзинады руаджы йæ къухы бафтыд стыр æнтыстдзинæдтæ. Курдиатджын журналисты куыст кæддæриддæр бæрæг дардта, фæндаг-иу ссардта радиомæхъусджыты зӕрдæм. Уый та Победæйæн уыд йе стырдæр хорзæх. Цæрджытæ бауарзтой Победæйы новеллæтæ æмæ очерктæ дæр. Уыдон арæх мыхуыргонд цыдысты республикон æмæ районты газетты. Адæмы хъысмæт, нæ истори, æрдзы сусæгдзинæдтæ рагæй цымыдис кодтой Победæйы. Йæ фыццаг чиныг "Курдиаты рухс" уагъд æрцыд 2016 азы. Абон рухс федтой Победæйы дыууæ ног чиныджы. Сæ иу – "Лæджы фæд а-зæххыл". Куыста сыл 2019-æм азæй. Автор дзы равдыста хæсты чи архайдта, уыдоны цард, цард сыл цы хъæдгæмттæ ныууагъта, уыдон. Иннæ чиныг та тæлмац ракодта. Бакуыста Джек Лондон, Эрнес Хемингуэй æмæ Проспер Меримийы уацмыстыл. Хестанты-Бутаты Победæ тæлмацгæнгæйæ, архайдта автортæн сæ удварн, хъæздыгдзинад æмæ зæрдæйы сагъæстæ ирон æвзагмæ æххæстæй ратæлмац кæнын. Бауарзын сæ кæнын чиныгкæсæгæн. Чингуыты редактор - Цомартаты Изæтбег. Номдзыд фыссæг Победæимæ базонгæ, институты ма куы ахуыр кодтой дыууӕйӕ дӕр, уæд. Уæдæй абонмæ кæнынц æнгом куыст. Бутаты-Хестанты Победæ райгуырд 1945 азы 9 майы. Цæгат Ирыстоны паддзахадон педагогон институт каст куы фæцис, уæд кусын райдыдта газет "Рæстдзинад"-ы. Уый фæстæ та 40 азы снывонд кодта Цæгат Ирыстоны радиойæн. 2017 азы рацыд пенсимæ. Абон дæр лæууы йæ кæстæр æмкусджыты цур. Æхсызгонæй сын лӕвар кæны йæ зонындзинæдтæ.