Мадæлты капитал, гæнæн ис, æмæ скæндзысты æнæмгъуыд

Фæллой æмæ социалон рæзты министрады хъæппæрис рахастой мадæлты капитал æнæмгъуыд скæнын. Ома, цы азмæ кусдзæн программæ, уый бæлвырдгонд цæмæй ма уа. Ахæм хъуыдыйыл хæст у Уæрæсейы фæллойы министры хæдивæг Алексей Вовченко. Куыд ма загъта, афтæмæй йæ бæрц хъуамæ рæза инфляцимæ гæсгæ. Раздæр Федерацийы Советы спикер Валентина Матвиенко куыд фæнысан кодта, афтæмæй йæ зæрдæ дары, программæ 2025-æм азмæ кæй кусдзæн, ууыл. Мадæлты капитал арæзт у, демографион уавæрыл хъуыды кæнгæйæ, мадæлты уавæртæ фæхуыздæр кæнынæн. Федералон программæ царды рацыд 2007-æм азы, Путины бадзырдмæ гæсгæ йæ æрæджы аргъæвтой 2021-æм азмæ. Йæ нымæц ныртæккæ у 453 мин сомы. Æхцайы фæрæзтæй ис цæрынæн уавæртæ фæхуыздæр кæнын, сывæллæтты ахуырадæн бафидын, инвалид сабиты дзæбæх кæнынæн, стæй мадæн йæ пенсион æвæрæнтæ хъæздыгдæр кæнынæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv