Хъæугæ фембæлд

Абон нæ бæстæйы уыд цæрджытимæ æмбæлыны иумæйаг бон. Цæгат Ирыстоны министрадты æмæ уагдæтты адæмы фарстатæм байхъуыстой æмæ сæ аиуварс кæныныл бакуыстой. Æппæты фылдæр курдиаттæ балæвæрдтой республикæйы хицауадмæ æмæ Дзæуджыхъæуы администрацимæ. Цæрджытæ æппæты тынгдæр цы хъуыддæгтыл тыхсынц, уый раиртæста нæ уацхæссæг. Владимир Тигишвили 20 азы Сыбыры фæкуыста. Кæд йæ куысты азтæ чысыл не `сты, уæддæр йæ пенсийы бæрц 15 мин сомы йедтæмæ нæу. Йæ фарстаимæ æрбацыд пенсион фондмæ. Пенсион фонды йын куыд бамбарын кодтой, афтæмæй цæмæй йæ фиддонты бæрц фæфылдæр уа, уый тыххæй ма йæ хъæуы 2 азы бакусын. Пенсион фонды кусджыты ныхæстæм гæсгæ, адæмимæ æмбæлыны иумæйаг бон дзуапп раттынц æппæт фарстатæн дæр. Фæлæ специалисттæ æрвылбон дæр цæттæ вæййынц адæмы курдиаттæм байхъусын æмæ сын баххуыс кæнын. Адæмимæ æмбæлыны иумæйаг бон се`ппæтæн дæр фадат уыд алыхуызон уагдæттæм курдиæттимæ бацæуын. Цæрджыты фарстатæн дзуапп раттынмæ абон цæттæ уыдысты Дзæуджыхъæуы администрацийы дæр. Курдиаттæ уыдысты алыхуызон. Зæгъæм, Дряты Зинæйæн дыууæ сывæлоны ис . Се `нæниздзинад у хъыгдард. Сылгоймаг куры цæмæй йæ сывæллæттæ кæм ахуыр кæнынц уыцы скъоламæ саразой къахвæндаг. Цæрджытимæ æмбæлыны иумæйаг бон адæм республикæйы хицауадмæ дæр бахатыдысты. Ам æппæт фарстатæм дæр æркастысты. Лæмбынæгдæр цы курдиаттæм æркæсын хъæуы, уыдонмæ уыдзæн фылдæр цæстард. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv