Скъолаты æмæ сывæллæтты рæвдауæндæтты куысты фæтк хъуамæ ногæй сбæлвырд кæной

Уæрæсейы премьер-министр Дмитрий Медведев бабар кодта скъолаты æмæ сывæллæтты рæвдауæндæтты куысты фæтк сбæлвырд кæнын. Ног закъон хъуамæ фыццаджыдæр фæрогдæр кæна ныййарджыты уаргъ. Проекты мидис - мадæлты æмæ фыдæлты куысты фæтк, стæй сывæллæтты хæдзармæ ракæныны рæстæг баиу кæнын. Ома, ныййарджыты кæд æвдæла, уæд сæ бон уыдзæн сæ сывæллæттæм рæвдауæндонмæ бауайын. Уæрæсейы хицауады сæрдар уыцы хъæппæрис рахаста Национ проекттæ æххæст кæнынимæ баст форумы фæлгæты. Хъуыддагыл бæстонæй бакусын хъæуы 1-æм июльмæ. Регионты разамонджытæ сæ хъуыдытæ зæгъдзысты уыцы хъуыддаджы фæдыл. Уымæй уæлдай ма паддзахады регионты 31-æм маймæ хъæуы ахуырады, æнæниздзинад хъахъхъæныны, культурæ æмæ социалон кусæндæтты архайд бабиноныг кæнын. Сæ куыст сын хъуамæ рацаразой бинонты цардывæткмæ гæсгæ. Æппæт хæстыл бакусын та бабар кодтой Рухстауынад, Æнæниздзинад хъахъхъæныны æмæ культурæйы министрадтæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv