«Адæмы Хорзæх»

Æппæтдунеон змæлд «Иры Стыр Ныхас»-ы уæнгтæ снысан кодтой орден «Адæмы Хорзæх». Аккаг æй кæндзысты йæ райгуырæн бæстæйæн æгæрон лæггад чи кæны æмæ республикæйы ном дардмæ чи хъусын кæны, ахæм адæмы. Цы фæтк ныффидар кодтой, уымæ гæсгæ Адæмы Хорзæхы орден уыдзæн Æппæты кадджындæр майдан æхсæнады хсæн. Орден цы хуызæн уыдзæн, уый ныртæккæ нæ интерактивон къуылыл дæр уынут. Конд уыдзæн æвзистæй. Фарасткъахыг стъалыйы хуызæн. Йæ астæу - сныв кæндзысты алайнаг бæхылбадæджы. Нысан кæны 3 ирон æртдзыхоны æмæ хур. Цæмæй ахæм хæрзиуæджы аккаг чи у, уый адæм базоной, уый тыххæй хъæуы курдиат бадæттын Стыр Ныхасы районты хайæдтæм æмæ мыггаджы хистæрты советмæ. Сæйрагдæр уый у æмæ æхсæнад йæхæдæг æвзардзæн, уыцы орденæй кæй схорзæхджын кæной, уый. Хъæлæс кæныны руаджы. Ныридæгæн Стыр Ныхасы къамис сбæлвырд кодта Адæмы Хорзæхы орден кæмæн саккаг кæнæн ис, уыдоны номхыгъд. Æвзæрстытæ цæуынц 7 номинацийы. Алы къабазы - сгуыхт кусджытæ. Зæгъæм, экономикæ æмæ хæрзаудæн куыст чи кæны, уыдоны хсæн ис парламенты депутат Уататы Зелим æмæ Бæтæхъойы «Нарт Аренæ» чи сарæзта уый, - Мысыкаты Таймураз. Зæгъæм, культурæ æмæ аивады та ис Мариинаг театры разамонæг, не мзæххон Гергиты Валерий. Сæрмагонд къамис æй куы равзара æмæ йыл адæм куы схъæлæс кæной, уæд ма йæ хæрзиуджытæм иу бафтдзæн. Йемæ ма уыцы номхыгъды ис оперæйы зыныдгонд зарæггæнæг Джиоты Вероникæ, Уæрæсейы иугонд командæйы сæйраг тернер Черчесты Станислав æмæ æндæртæ. Æдæппæттæй сты 15. Æвзæрстытæ райдыдтой абон. Фæуыдзысты та 14 августы. Уый фæстæ Иры Стыр Ныхасы Координацион Совет рахæсдзæн кæронбæттæн уынаффæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv