Ног фадæттæ абитуриенттæн

Абитуриенттæн фæзынди ног фадæттæ. Уæлдæр скъолаты ахуыр кæныны тыххæй нысанмæ бынæттæ дæтдзысты, куыстуæтты цы специалисттæ нæ фаг кæны, уыдоныл æнцайгæйæ. Ирыстоны кусджытæ цы дæсныйæдты сты кадавар, фыццаджыдæр уал уыдоны номхыгъд сараздзысты рагацау. Сæрмагонд къамисы уæнгтæ сбæрæг кæндзысты, нæ республикæ цавæр специалисттæй цух æййафы, уый. Æркæсдзысты æппæт курдиæттæм дæр. Къамисы уыдзысты нæ республикæйы парламенты æмæ хицауады уæнгтæ, æхсæнадон организациты æмæ дзыллон информацион фæрæзты минæвæрттæ. Нысанмæ бынат райсыны тыххæй фæсивæд сæ курдиæттæ фысдзысты нæ республикæйы сæргълæууæджы номыл. Иннæ азы 30-æм апрелы онг сæ бахæссын хъæудзæн æппæт хъæугæ документтæ дæр. Ацы аз къамис æркаст иу мин курдиатмæ. Уыдонæй уæлдæр скъолатæм бацæуын бантыст 161 адæймагæн. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv