Цъыккаты Владимиры уголовон хъуыддаджы фæдыл тæрхондоны æмбырд аргъæвтой

Цъыккаты Владимиры уголовон хъуыддаджы фæдыл тæрхондоны æмбырд аргъæвтой, азымджын Бигъаты Алан æмбырд мæ кæй нæ сæмбæлд, уый аххосæй. Йæ адвокат куыд фехъусын кодта, афтæмæй абон райсомæй Бигъаты Аланы тагъд æххуысы къарет фæхæццæ кодта рынчындонмæ, цы хæринаг нал бæззыд уымæй кæй фæхъæстæ уый аххосæй. Дарддæры æмбырд снысан кодтой 26-æм августмæ. Хъыгдард цы фарс баййæфта, уыдон знæт кæнынц æмбырд иу хаттæй иннæ хаттмæ кæй иргъæвынц, уый тыххæй. Азымджынты низы хъуыддагыл дызæрдыг кæнынц. Уæ зæрдыл уын æрлæууын кæндзыстæм ивгъуыд æмбырд аргъæвтой азымджын Датиты Ацæмæз æм кæй нæ сæмбæлд уый аххосæй. Уæд пъæлицæйагы раздæры адвокат Санахъоты Нино куыд фехъусын кодта, афтæмæй нæлгоймагæн йе нæниздзинад кæй фæцудыдта. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv