«Сыгъзæрин уадындз»

Æрыгон музыканттæ сæ арæхстдзинад æвдисынц æркаст «Сыгъзæрин уадындзы». Сарæзтой йæ сывæллæтты аивæдты скъолайы. Фестивальмæ æрæмбырд сты Цæгат Кавказы 7 регионæй дæсгай æрыгон музыканттæ. Ацы аз æркаст егъаудæр у. 60 архайæджы бæсты сты 180, номинацитæ та - 4. Æвзонг лæппу Эльдар Балкаров Кæсæг Балхъарæй ссыд, йæ арæхстдзинад æвдисдзæн фæндырæй цæгъдынæй. Æркасты руаджы йын фадат фæцис Цæгат Ирыстонмæ фыццаг хатт ссæуынæн. Куыд æцæг артист, афтæ сценæмæ рацæуыны размæ йæхимидæг тыхсы. Номинаци «Народные инструменты»-йы æппæты уарзондæр балалайкæ ссис. Кæд ыл зын сарæхсын у, уæддæр конкурсы архайджытæ сæхи æнтысджынæй æвдисынц. Æркастыл нырма 2 азы йеддæмæ нæ цæуы. Фæлæ йæ архайджыты нымæц рæзы. Мадзал аразджытæ куыд зæгъынц, афтæмæй ма йæ æртæ боны фæдæргъвæтиндæр кодтой. Иу бонмæ конкурсанттæм байхъусыны фадат нæй. Кæронбæттæны сараздзысты гала-концерт, уым равдисдзысты хуыздæр номыртæ. Уæлахиздзауты та схорзæджын кæндзысты зынаргъ лæвæрттæй æмæ «Сыгъзæрин уадындзы» статуэткæтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv