Битарты Вячеслав йе`рвылазон ныстуанимæ фæсиддзæн республикæйы парламентмæ

Цæгат Ирыстоны сæргълæууæг Битарты Вячеслав йе`рвылазон ныстуанимæ фæсиддзæн республикæйы парламентмæ. Куыд æм цæттæ кæнынц, уый тыххæй хицауады хæдзары уыди сæрмагонд æмбырд. Уæлдай æргом дзы аздæхтой Уæрæсейы президент Владимир Путин цы хæстæ сæвæрдта йæ ныстуаны Федералон æмбырдмæ, уымæ. Республикæйы сæргълæууæг министрадтæ æмæ ведомствæты разамонджытæн бабар кодта, Президенты хæслæвæрдтæм лæмбынæгæй æркæсын æмæ сын хатдзæгтæ скæнын. Битарты Вячеславы ныхæстæм гæсгæ, сæйрагдæр у, цæмæй Владимир Путин социалон политикæйы цы ивддзинæдты тыххæй дзырдта, уыдон нæ республикæйы цæрджытыл дæр куыд фæбæрæг уыдзысты, уый бахынцын. Мæгуырдзинады ныхмæ тох, социалон къабаз æмæ адæм цæрынхъом куыд уой, уыдон Президент йæ ныстуаны уæлдай фæбæрæг кодта. Цæгат Ирыстоны цæрджыты æфтиæгтæ фылдæр куыд кæной æмæ сæ царды уавæртæ фæхуыздæр кæныныл ныридæгæн республикæйы цæуы бæлвырд куыст. Зæгъæм, республикæйы бюджетмæ ацы аз бахастой 300 милуан сомы ахуырадон уагдæтты куысджыты мызд фæфылдæр кæнынæн. Мæгуырдзинады ныхмæ та тох кæнын райдыдтой Рахизфарсы районы, Раздзоджы. 14 æххуысцух бинонтæн радтой стурвос. Дарддæр уыцы куыст кæндзысты Мæздæджы район, Комарово æмæ Горæтгæрон район, Дæргъæвсы. Цæрджыты æфтиæгтæ фæфылдæр кæнынæн ма феххуыс уыдзæн куыстуæттæ æмæ инвестицион проектты райрæзт дæр. Битарты Вячеслав ма фæнысан кодта, йе*рвылазон ныстуаны Праламентмæ бæлвырдæй кæй æрныхас кæндзæн хицауады куысты тыххæй, национ проекттæ куыд æххæстгонд сты, цы æнтыстдзинæдтæ бафтыд къухы, уый тыххæй. Уыимæ ма, фароны ныстуаны хæслæвæрдтæй цы баххæст кодтой, стæй ма бакусын цæуыл хъæуы, уый тыххæй дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv