Цæгат Ирыстоны фæзындзæн фæсивæды курдиат раргом кæныны, æххуыс æмæ рæзты центр «Вершина»

Цæгат Ирыстоны фæзындзæн фæсивæды курдиат раиртасыны, æххуысы æмæ райрæзты Центр «Вершина». Разӕнгард кӕныны Советы фыццаг æмбырд амыдта Сергей Меняйло. Ахуырад æмæ наукæйы министр Алыбегты Эллæйы ныхæстæм гæсгæ, центр кусдзæн алы форматты. Йæ фæлгæты æххæст кæндзысты уæлæмхасæн ахуырады программæтæ, ахуырадон ӕмбырдтӕ æмæ интенсивтæ. Сæйраг æргом здахдзысты аивад, наукæ æмæ спортмæ. Сывæллæттимæ куыст цæудзæн сæрмагонд уагмæ гæсгæ. Йæ фæлгæты ахуырад, культурæ æмæ спортивон бæстыхæйтты специалисттæ æмгуыст кæндзысты. Центр архайдзæн Дзæуджыхъæуы 12 скъолайы бындурыл. Ныртæккæ цæттæ кæнынц уæлæмхасæн бæстыхайы проект. Цæрыны фадат дзы уыдзæн 50 сывæллонæн. Проекты аразджытæ сты хицауады, спорты æмæ культурæйы сгуыхт архайджытæ. Сергей Меняйлойы хъуыдымæ гæсгæ ахсджиаг у фæсивæды курдиат раргом кæнынæн æмбæлгæ уавæртæ аразын. Уыцы хъуыддаджы архайӕн æмæ спайдагæнæн ис иннæ регионты фæлтæрддзинадæй. Хъуыстгонд уæлдæр ахуыргæнæндæттæ цæттæ сты нæ республикæйы уыцы фарстайы æмгуыст кæнынмæ. Сæйраг диплом нæу, сæйрагдæр у бындурон зонындзинæдтæ райсын. Хуыздæртæй-хуыздæрты æвзарын æмæ сын дарддæр сæ къабазы æххуыс кæнын у ахсджиаг хæс. Сабиты райрæзты ахуырадон инфраструктурæ нæм ис, фæлæ уыцы процесс иугæнæг фæрæз та нæй. Республикон Центр «Вершина» уыцы бæрнон хæс хъуамæ йæхимæ райса - бафиппайдта регионы разамонæг. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv