Гæдиайы-фырты уынджы цалцæг

Хæдтулгæтæ цалцæггæнæн куыстуæттæн Дзæуджыхъæуы сæ хæстыл бафтыди. Аххосджын дзы сты горæты фæндæгты къуызыртæ æмæ дзыхъхъытæ. Бынтон æвзæр уавæры та Гæдиайы-фырты уынджы фæндаг у. Заууатмæ æрцыд, растдæр зæгъгæйæ та, йæ рацарæзт ныддæргъвæтин. Шофыртæ йыл цæуынц, сæ райгуырæн бон æлгъитгæйæ. Куыстытæ райдыдтой ивгъуыд азы сентябры, зæронд хæтæлтæ æмæ фæндаджы уæлцъар куы ивтой, уæд. Ныртæккæ дзы машинæйыл ацæуын у стыр хъизæмар. Æрæджы дзы хуыр дæр акалдтой, фæлæ уæддæр шофырты сæрниз нæ фæкъаддæр. Машинæтæ дзы хæлынц æмæ сæттынц. Бæрæг нæу, кæцы дзыхъхъ дæ фæфыдæнхъæл кæндзæн æмæ хæдтулгæты рынчындонмæ кæй фæстæ бахаудзынæ, уый. Цалцæг та шофырты бахъæуы сæхи хардзæй. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv