Æнкъард хабар

Йæ цардæй ахицæн Советон Цæдисы адæмон артист Иосиф Кобзон. Уый тыххæй информацион агентадтæ фехъусын кодтой абон сихорыл. Фæстаг цалдæр азмæ йыл онкологон низ тых кæнын райдыдта. Советон эстрадæйы ирддæр артисттæй иу уæддæр йæхимæ хъусыныл нæ фæцис. Цыдис сценæмæ, адæмы `хсæнмæ. Уымæн æмæ йæ æмбæрста, йæ хъæлæс æмæ йын йæ аивадыл иузæрдион кæй сты. Уæдæ йæ куыстыл Иосиф Кобзон йæхæдæг дæр йæхи никуы атигъ кодта. Дæсгай азты уыдис æппæт бæстæйы ном æмæ цæсгом. Иосиф Кобзон æгæрон уарзтæй уарзта Ирыстон дæр. Бирæ хæттыты уыдис нæ республикæйы, зыдта, ам æм æдзух зæрдиагæй кæй æнхъæлмæ кастысты. Бирæты зæрдыл ма лæууынц, Беслæны зынгхуыст сывæллæттыл заргæйæ Иосиф Кобзон йæ цæссыгтæ кæм сæрфта, уыцы кадртæ дæр. Уарзта цард, уарзта аивад, уарзта йæ алыварс дуне. Иосиф Кобзоныл цыдис 80 азы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv