Хъуысаты Дзерассӕ I Фӕзминаг кӕстӕртӕ

Цæрын кæй кæнды, уый æдзæрæг ран дæр æрфидар уыдзæн, ауадздзæн дзы уидæгтæ. Дурыл, кæнæ айнæгыл цы бæлæстæ æрзайы, уыдон уымæн сты æвдисæн. Хъуысаты Фатимæ æмæ Дзерассæ дæр, уыцы бæлæстау, риуы 'мбæрц æрлæууыдысты царды знæт уылæнты ныхмæ æмæ сыл фæтых сты. Æрæджы Хъуысаты дыууæ хойы сарæзтой иумæйаг проект «Лампæ», зæгъгæ. Уый у, алыхуызон культурон æмæ рухстауæн мадзæлтты руаджы адæмы кæрæдзийыл чи бæтты, ахæм арт-клуб.