Æрдзырдтой ахсджиагыл

Битарты Вячеслав фембæлд Цæгат Кавказæн электрон тых дæттæг компанийы разамонæгимæ. Электрон тыхдæттæг организацитæй республикæйы цæрджытæ цы хæс дарынц, уый хорзырдæм нæ ахады Цæгат Ирыстоны энергосистемæйы райрæзтыл. Фарста куыд хуыздæр алыг кæнæн ис, ууыл æрдзырдтой республикæйы сæргълæууæг Битарты Вячеслав, Цæгат Кавказæн электрон тыхдæттæг организациты генералон директор Юрий Зайцев, республикæйы хицауады сæрдар Тускъаты Таймураз æмæ йæ хæдивæг Фадзайты Æхсарбег. Фылджр ныхас рауад электрон тыхы системæты райрæзтæн республикæйы амалхъом адæмы æххуыс кæй хъæуы, ууыл. Æмбырды сæрмагондæй дзырдтой акционерон æхсæнад «Аланияэлектросеть» хæсыл æмæ "Дзæуджыхъæуы доны хæдзарады" уавæрыл. Битарты Вячеслав куыд фæнысан кодта, афтæмæй ахсджиаг у адæмæн сæ куысты бынæттæ бахъахъхъæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv