Рци-Аланийы прокуротурæ фаивар кæндзæн дыгуры районы администрацийы бæрнон кусджыты

Дыгуры районы бæрнон кусджытæ фæкъуыввитт кодтой, аивгæнæн куыстытæн сын цы фæрæзтæ радих кодтой, уыдон. Уый тыххæй хъусын кæны информацион портал Gradus Pro. Хъусынгæнинагмæ гæсгæ, Цæгат Ирыстоны прокуратурæ уыцы закъонхæлдтытæ рабæрæг кодта районы бынæттон хиуынаффæйады. 2016-æм - 2017-æм азты аивгæнæн куыстытæн цы 1 милуан 244 мин сомы радих кодтой, уыдон Дигорайы администрацийы бахардз кодтой сæхи архайдыл: бастдзинад æмæ информацион лæггæдтыл, компьютерон программæтыл, интернетæн бафидыныл, техникæ æмæ æндæр кусæнгæрзтæ балхæныныл. Ахæм хабæрттæ ма рабæрæг Хъарман-Сындзыхъæуы администрацийы дæр. Уым аивгæнæн куыстытæн цы 182 мин сомы радих кодтой, уыдон схардз кодтой бынæттон администрацийы кусджыты мыздыл бафтауыныл. Бæрнон кусджытыл байгом кодтой административон хъуыддæгтæ. Æмткæй райсгæйæ сæ бахъæудзæн 85 мин сомы ивар бафидын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv