Ног арæзт цæрæнбынæттæм рухс бауаддзæн «Россети Цæгат Кавказ»

Ног арæзт цæрæнбынæттæм рухс бауаддзæн «Россети Цæгат Кавказ». Ныхас цæуы Рахизфарсы районы цæрджытыл. Сæ бæстыхæйттæ цæмæй электрон тыхæй ифтонг уой, уый тыххæй фæлхасгæнджытæ æрныхас кодтой «Россети Цæгат Кавказ» æмæ «Цæгаткавказэнерго»-йы кусджытимæ. Æмбырдмæ æрбацыд 40 адæймагæй фылдæр. Се хсæн Фарн, Заманхъул, Брут æмæ Хуымæллæджы хъæуты хицæуттæ. Бынæттон цæрджытæн фадат уыд лæггæдтæ æххæстгæнæг компанийы минæвæрттимæ æппæт райхалинаг фарстатыл æрдзурын. Зæгъæм, Ног Бæтæхъойыхъæуы хицаумæ уыд курдиат, хъæуы ног уынгмæ рухс бауадзын. 60 зæххы хайыл федералон программæмæ гæсгæ æрцардысты бирæсывæллонджын бинонтæ. Цæмæй бæстонæй æрбынат кæной, уый тыххæй сæ сæ хæдзæрттæм бауадзын хъæуы электрон тых. Брутыхъæуы та ранæй рæтты базæронд сты электрон тыхы телтæ. Хъæуы сæ баивын. «Цæгаткавказэнерго»-йы сæрдар Быгъуылты Сослан æмæ æмæ «Россети Цæгат Кавказ»-ы филиалы директоры хæстæ рæстæгмæ æххæстгæнæг Таболты Алыксандр сæ хæдивджытæн бабар кодтой æппæт фарстатыл дæр бæстонæй бакусын. Бæрнон кусджыты ныхæстæм гæсгæ фæлхасгæнджытимæ фембæлдтытæ дарддæр дæр араздзысты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv