Адæмы хæдбæрæггæнæнтæ чи нæ хъахъхъæна, уыдоны кæндзысты ивар

Уæрæсейы Паддзахадон Думæ æркæсдзæн бастдзинады операторты ивар кæныны фæткмæ. Ахæм æфхæрд æййафдзысты, нæ бæстæйы цæрджыты хæдбæрæггæнæнтæ куы нæ хъахъхъæной, уæд. Хъæппæрисы тыххæй фыццаг сдзырдтой парти «Иугонд Уæрæсе»-йы депутаттæ Виктор Пинский æмæ Даниил Бессарабов. Куыд фæнд кæнынц, афтæмæй, дам, хъуамæ амынд закъон фехалгæйæ, оператортæ ивар фидой 18 милуан сомы онг. Уый хауы юридикон бæрнондзинадимæ куыстуæттæм. Хуымæтæг адæймæгты сæ дзыппæй сисын бахъæудзæн 30 минæй 50 мин сомы онг, бæрнон бынаты чи кусы, уыдоны та 200 мин сомæй, милуаны `рдæджы онг. Хъæппæрисы амидингæнджытæ куыд нымайынц, афтæмæй закъон адæмы хиздзæн терроризм æмæ экстремистон цаутæй. Куы нæ йæ `ххæст кæной, уæд уый, сæ хъуыдымæ гæсгæ, тæссаг у информацион системæйы æнæфæцудгæ куыстæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv