Арæзтадон къабазы ногдзинæдтæ

Арæзтадон къабазы ногдзинæдтæ. Цæгат-Кавказы арæзтадон техникумы ахуырдзаутæ базонгæ сты геодезийы наукæйы кусæнгæрзтимæ. Суинаг специалисттæн бакастысты лекцитæ. Уый фæстæ студенттæн фадат уыд сæ зонындзинæдтæ практикæйы хуызы сфидар кæнын. Дæсныйад æвдисæн ахуырты аразджытæ - ахуыргæнæндоны профессионалон цæттæдзинады центры уæнгтæ. Цавæр ног гæнæнтæ фæзынд ахуырдзаутæн, уый базыдта не*сфæлдыстадон къорд. Экраныл сæрмагонд нывтæ æмæ схемæтæ. Ахæм хуызы студенттæн æнцондæр у зын архайд кусæнгæрзтæ базонын. Лекцитæ сын кæсынц «ЮЖГЕОСЕТИ» -йы специалисттæ. Теорийæн рахай кæнынц сахат. Уый фæстæ фидæны аразджытæ сæ зонынддзинæдтæ ныффидар кæнынц практикæйы хуызы. Батраз Кучиев, руководитель Центра опережающей профессиональной подготовки: «Геодезийы куыд алы зын наукæйы дæр ис йæхи сусæгдзинæдтæ. Уыдоны тыххæй нырма бирæтæ нæ зонынц. Специалисттæ нæ студентты æмæ ахуыргæнинæгты базонгæ кодтой геодезийы къабазы ногдзинæдтимæ. Бæлвырддæр та прибортимæ». Æртæккæгæм курсы студент Дулаты Арсен арæзтады къабазы ногдзинæдтæм йæ хъус бæстонæй дары. Нырыккон домæнтæн дзуапп чи дæтты, ахæм кусæнгæрзтыл архайын ын тынг ахсджиаг æмæ æхсызгон у. Арсен Дулаев, студент СКСТ: «Мæнæн тынг цымыдисаг уыд. Лекцимæ тынг лæмбынæг байхъуыстон. Специалисттæй ног зонындзинæдтæ базонын уый тынг ахсджига у. Уымæн æмæ геодези баст у арæзтадимæ. Тынг цымыдисаг ма мын уыд тахиометр куыд кусы уый фенын. Уыимæ ма йæ нæ техникумы никуы федтон. Ног кусæнгæртæй спайда кæнын куысты мидæг алы хатт дæр æхсызгон вæййы». Æмбал кæмæн нæй, ахæм кусæнгæрзтимæ архайд аразджытæн дæттынц ног гæнæнтæ. Специалистты ныхæстæм гæсгæ хæстæгдæр рæстæг адæмы рæгъмæ раххæсæн уыдзæн æппæты зындæр архитектурон хъуыдытæ. Зæгъæм, скиниометр. Пайда дзы кæнынц фæндæгтæ, бæстыхæйттæ аразгæйæ. Специалисттæ куд зæгъынц, афтæмæй лазеры руаджы саразæн ис алыхуызон объектты 3д модельтæ. Уый руаджы аразджытæ хардз кæнынц къаддæр рæстæг. Уыимæ ма сканиометры фæрцы куыстыты хæрзхъæддзинад сбæрæг кæнæн дæр ис. «ЮЖГЕОСЕТИ» -йы специалисттæ бæрæг кæнынц ахуыргæнæндæттæ æмæ арæзтадон фæзтæ. Анастасия Овчинникова, руководитель коммерческого отдела компании ООО «ЮЖГЕОСЕТИ»: «Ацы хатт мах геодезический кæй хонынц, ахæм кусæнгæрзтимæ ссыдыстæм. Скинеометр æмæ æндæр нырыккон домæнтæн дзуапп чи дæтты ахæм прибортæ. Уыдон геоденезийы къабазы ахсджиаг сты». Студенттæн балæвар кодтой кусæнгæрзты бæстон схемæтæ. Уыдонмæ гæсгæ зонгæ кæндзысты прибортимæ. Фæстæдæр специалисттæ арæзтадон объектты сараздзысты практикæйы хуызы ахуыртæ. Георгий Дзапаров _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv