ЦИПУ-йы Гуырдзыбеты Блашкайы номарæн мадзал

Цæгат Ирыстоны паддзахадон университеты журналистикæйы факультеты дзырдтой дыгурон поэзийы бындурæвæрæг Гуырдзыбеты Блашкайы цард æмæ сфæлдыстадыл. Йæ фыццаг уацмыс ныффыста XIX-æм æнусы кæрон. 1903-æм азы рухс федтой йе 'мдзæвгæты æмбырдгонд æмæ комеди «Æдули». Афæдзы фæстæ та рацыд ирон фольклоры бындурыл фыст поэмæ «Сахи рæсугъд». Блашка æфсæддон куыстыл æнувыд уыдис — йæ мæлæт дæр æфсады ссардта. 1905 азы Японы хæстмæ барвæндæй ацыдис æмæ уым знаджы нæмыгæй фæмард. Поэты цард рауад цыбыр, фæлæ ирд. Мадзал сарæзтой Наукæйы бонты фæлгæты. Студенттæ бацæттæ кодтой докладтæ, æмдзæвгæтæ, бакастысты, фронтæй йæ бинонтæм цы фыстæджытæ æрвыста, уыдон.