Æрыдоны районы пъæлицæйæгтæ Цæгат Кавказы аграрон-технологон колледжы студенттæн сарæзтой экскурси

«Студенческий десант 2020» -ы æппæтуæрæсеон акцийы фæлгæты Æрыдоны пъæлицæйæгтæ Цæгат-Кавказы аграрон-технологон колледжы студенттæн сарæзтой пъæлицæйы хайадыл экскурси. Фæсивæдæн радзырдтой Æрыдоны район пъæлицæйы историйы тыххæй, базонгæ кодтой, хайадæн кад æмæ намыс чи æрхаста, уыдоны тыххæй. Фыдгæнджытимæ тохгæнгæйæ йæ цард чи нæ бавгъау кодта, Мидхъуыддæгты министрады уыцы ветеранты тыххæй студенттæн радзырдта майор Ольга Чередниченко. Сæрмагондæй лейтенант Джыбылаты Зауыры тыххæй. Йæ руаджы Дзæуджыхъæуы не ’рцыди теракттæ. Авд азы размæ 23-æм октябры пъæлицæйы лейтенант рад хаста Цæгат Ирыстоны æмæ Мæхъæлы республикæйы административон арæныл посты. Зауыр нæ бауагъта фыдгæнæджы 40 кг тротилимæ республикæмæ. Æмбырды кæронбæттæн студенттимæ сарæзтой профориентацион куыст. Æмбарын сын кодтой Мидхъуыддæгты министрады куыстмæ исгæйæ цавæр домæнтæ æххæст кæнын хъæуы, уый. Æппæтуæрæсеон акци «Студенческий десант» арæзт вæййы æрвылаз. Йе`руаджы фæсивæдæн æнцондæр вæййы фидæны дæсныйад равзарын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv