Раст æмæ æнæ рæдыдтытæй

Абон æппæт Уæрæсейы æмæ ма бирæ æндæр фæсарæйнаг бæстæты ныффыстой «Тоталон диктант». Цæгат Ирыстон дæр дзы бацархайдта. Дзæуджыхъæуы диктант ныфысстой 7 раны. 2 - Цæгат Ирыстоны Паддзахадон Университеты. Уымæй уæлдай ма Национ наукон чиныгдоны, Дзæуджыхъæуы разамынддæтыны институты, Сывæллæтты технопарк «Кванториум»-ы æмæ Сфæлдыстадон лаборатори «Портал»-ы. Нæ уацхæсджытæ дæр тоталон диктанты бацархайдтой. Бæлвырддæр нæ дарддæры æрмæджы. Бедойты Кристинæ ахуыр кæны ирон филологийы факультеты. Тоталон диктант ныффсынмæ æрбацыд æртыккаг хат. Куыд зæгъы, афтæмæй кæд растфыссынады сусæгдзинæдтæ алы бон дæр ахуыр кæны, уæддæр ахæм акцийы зонындзинæдтæ бафæлварын æнцон нæ вæййы. Диктантæн алы аз дæр ныфысынц сæрмагонд текст. Бакусы йыл куыд автор йæхæдæг, афтæ филологтæ дæр. Текст вæййы цалдæр хайыл дих. Æнæмæнг хъуамæ уа иухуызон зынфыст. Йæ бакæсынмæ æрбахонынц артистты, ахуыргæнджыты æмæ журналистты. Ацы хъуыддаг дæр се*нцонтæй нæу. Афтæ зæгъы Оксанæ Кварчук дæр. Оксана Кравчук, тексты диктор: «Ацы ацкии цалдæр азы бæрц иттæг хорз чи ныфыста,ахæмтæ нæ республикæйы æппындæр нæ уыди. Æмæ æрмæстдæр дыууæ фæстаг азы фæзындысты. Кæд мыййаг исчи æвзæр ныфыста,уæд йæ зæрдæ ма хсайæд.Ай скъола нæу æмæ бæрæггæнæн дæуæй дарддæр ничи базондзæн. Текст фыццаг хатт куы фенын,уæд мæ зæрдæ фехсайы куыд æй бакæсдзнæн,ууыл. Фæлæ ныр цалдæр азы фæдфæдыл кæсын текст æмæ сахуыр дæн». Акции архайджытæ алы аз фылдæрæй-фылдæр кæнынц. Бирæтæ æрбацæуынц æнæхъæн бинонтæй. Скъоладзаутæ, студенттæ, кары адæм дæр. Архайыны бар ис алкæмæн дæр. Акци «Тоталон диктант» рагæй апарахат ис фæсарæнты дæр. Ацы аз проекты сæйраг горæт уыди Таллин. Уым текстты кæсджытæй иу у не мзæххон Черчесты Станислав. Ахæм хъуыды цæгатирыстонæгты зæрдæмæ фæцыд. уый тыххæй Ахуырад æмæ наукæйы министрады хъæппæрисæй арæзт æрцыд акци "Глобалон диктант" ирон æвзагæй. Уый дæр скодтой æрвылаз. Ацы аз дикстант ныффысдзысты 250 мин адæймагæй фылдæр. Бæрæггæнæнтæ базонæн уыдзæн 17 апрелы. Равæрдзысты сæ проекты сæрмагонд сайты. Алы архайæгæн йæ бон уыдзæн фенын æрмæстдæр йæхи бæрæггæнæн. Сайтмæ бахизгæйæ хъæудзæн ныфыссын куысты цы сæрмагонд дзырд бафыстат, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv