Экологон-рухстауæн центр фæзындзæн Цæгат Ирыстоны

Фыццаг экологон-рухстауæн центр фæзындзæн Цæгат Ирыстоны ацы азы. Байгом уыдзæн Æрæфы районы национ парк «Алания»-йы. Уый тыххæй фехъусын кодтой нæ республикæйы экологи æмæ æрдзон æвæрæнты министрады. Арæзт æрцæудзæн национ проект «Экология»-йы фæлгæты. Йæ сæйраг нысан уыдзæн экологон туризмы инфраструктурæйыл бакусын æмæ экологон-рухстауæн мадзæлтты райрæзтыл бацархайын. Афтæ ма сараздзысты туристтæн информацион центр дæр. Уым базондзысты национ парчы куыст цавæр у, уый тыххæй, уыимæ ма базондзысты цавæр маршруттæ дзы ис æмæ бакæсдзысты хи дарыны фæткы уагæвæрдтæм. Центры кусдзысты районы цæрджытæ. Уый та хорз ахъаз уыдзæн куысты бынæтты уавæрæн. Уæ зæрдыл уын æрлæууын кæндзыстæм, национ парк «Алания»-йæн бындур æвæрд æрцыд 1998 азы, Цæгат Ирыстоны, Æрæфы районы. Æппæт Уæрæсейы нымад у æрыгондæр паркыл. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv