Хæсты фæстæ «тох» ветерантимæ

Нæ дарддæры æрмæг та нын æрбарвыста горæты цæрджытæй иу. Фæлæ нын цы кадртæ фенын кодта, уыдонæй зæрдæ бауазал вæййы. Куыд зонут, афтæмæй æрæджы Сабырдзинады проспектыл байгом ветеранты хуызистытимæ равдыст. Сарæзта йæ Гокъоты Алисæ. Адæм цин кодтой ахæм зæрдиаг цауыл. Фæлæ сæ цин бирæ н` ахаста... Æнæфенд удгоймаг рæсугъддзинад æмæ хорз хъуыддагыл йæ фæндаг куы ракæна, уæд дзы дæхи хъахъхъæн! Чидæр бавдæлд, æмæ ветерантæй иуы къам иннæрдæм батыдта. Цы зондæй бакодта ахæм ми, уый бæрæг нæй. Растдæр зæгъгæйæ та, æвæццæгæн, æнæзондæй. Æндæр æй адæймаджы сæр кæрдгæ дæр нæ кæны. Ардæм-иу равдыст фенынмæ æрбацыдысты уыцы хæстæфхæрд ветеранты фæдонтæ, федтой-иу сæ хистæрты, æрхъуыды сын-иу кодтой сæ ном. Ныр ма куы `рбацæуой, уæд хъуамæ цавæр зæрдæимæ æрлæууой пырхытæ къамы цур? Афтæ рауад ацы видеокадрты авторы хъуыддаг дæр – йæ фыдыфыды къам ис ацы равдысты. Йæ фыстæджытæ, йæ хъарм ныхæстæ йæ бинонтæм хæсты цæхæрæй. Æнаккаджы къух сæм, Хуыцау хорз, æмæ нæ бахæццæ, фæлæ уымæй кадрты авторы рис рогдæр нæ фæци. Ветерантæй та курæм стыр хатыр. Тохы быдыры цы цæфтæ райстой, уыдон кæронмæ нæ, фæлæ куыддæртæй байгас сты. Фæлæ сын исчи сæ хуызистытимæ тох самайдзæн æмæ сын сæ зæрдæтыл ностæ уаддзæн, уый æнхъæл, æвæццæгæн, сæ фыдфынты дæр нæ уыдысты... _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv