Республикæйы федералон программæмæ гæсгæ ивын райдыдтой лифтытæ

2018 азы нæ республикæйы федералон программæмæ гæсгæ ивын райдыдтой бирæуæладзыгон хæдзæртты зæронд лифтытæ. Æдæппæтæй раивтой 133 лифты 44 бирæуæладзыгон хæдзары Дзæуджыхъæуы æмæ Алагиры районы. Бахардз сыл кодтой 292 милуан сомы. Куыстытæ куыд æххæстгонд æрцыдысты, уый сбæлвырд кодта сæрмагонд къамис дæр. Ног лифтытæ сæвæрдтой Мæскуйаг уынджы бирæуæладзыгон хæдзары дæр. Ивд нæ уыдысты 25 азæй фылдæр. Фæлæ, цæрджыты цин бирæ нæ ахаста. Цыбыр рæстæгмæ лифтытæ къуылымпытимæ кусын кæй райдыдтой, уый тыххæй адæм хъаст кодтой. Бирæ хатт-иу дзы ныссагъдысты. 8-9-æм уæладзыджы чи цæры, уыдон дæр дзы нал пайда кодтой, уым баззайынæй тæрсгæйæ. Лифтытæ баивтой «Мосрегионлифт» куыстуаты бардзырдмæ гæсгæ. Ныртæккæ та сты куыстуат «Алания лифт»-ы бæрны. Йæ минæвæрттæ нын куыд бамбырын кодтой, афтæмæй лифтытæм бæрнон специалисттæ æркастысты. Иумæ хъæндзинæдтæ аиуварс кæнынмæ ногæй бардзырд бафысстой. Владислав Мельницкий, ООО «Алания лифт»-ы сæйраг инженер: «Лифтытæ ивыны рæстæг кæмдæр цыдæр лыстæгдзинæдтæ баззад. Кæд сæм бæрнон специалисттæ кастысты, уæддæр бынтон æнаипп нæ рауадысты. Ныртæккæ лифтытæ кусынц æмбæлгæ фæткмæ гæсгæ. Хъæндзинæдтæ сраст кодтам, къуылымпытæ аиуварс кодтам». _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv