Хасан Баив сентябры кæрон Цæгат Ирыстоны сараздзæн радон хæрзаудæн акци

Дунейы хъуыстгонд пластикон хирург Хасан Баив сентябры кæрон Цæгат Ирыстоны сараздзæн радон хæрзаудæн акци. Абон дохтыримæ фембæлд регионы разамонæг Сергей Меняйло. Дохтыр-хæрзгæнæг йæ командæимæ бархионтæ-медиктимæ республикæмæ ссæудзæн цыппæрæм хатт. Операцитæ цæудзысты Республикон сывæллæтты клиникон рынчындоны хирургон корпусы. Сергей Меняйло дохтырæн загъта бузныг йæ хорз хъуыддæгты тыххæй. Цæгат Ирыстоны йæм алкæддæр æхсызгонæй æнхъæлмæ кæсынц. Хасан Баиев лæвар операцитæ кæны цæсгомы хъæндзинæдтимæ сывæллæттæн. Егъау хæрзаудæн акци арæзт цæуы Цæгат Кавказы æмæ Хуссар Ирыстоны чысыл пациенттæн.