Дмитрий Патрушев фæнысан кодта сæйраг здæхтытæ æвзæр боныхъæды фæстиуджытæ бахизынæн

Вице-премьер Дмитрий Патрушев фæнысан кодта сæйраг здæхтытæ æвзæр боныхъæды фæстиуджытæ бахизынæн. Куыд загъта, афтæмæй ахсджиаг у алывæрсыг мадзæлттæ æххæст кæнын. Уыимæ иумæйагæй кусын бахæс кодта - æнæнхъæлæджы уавæрты æмæ æрдзон æвæрæнты министрадтæн, гидрометеорологон æмæ донæй æххæстгæнæг куыстуæттæн æмæ бæстæйы хъæууон хæдзарады федералон агентадæн. Æппæт мадзæлттæ дæр арæзт цæуынц "Æнæнхъæлæджы уавæрты фæстиуджытæ иуварс кæныны иумæйаг системæ"-йы программæйы фæрцы. Фыццаджыдæр ныхас цæуы донивылдтæ æмæ æрдзон зынгсирвæзтытыл. Ахæм иумæйаг архайды руаджы афойнадыл бантысдзæн сæвззæрд уавæрыл бакусын. Уый та хорзы 'рдæм фæзындзæн экономикæйыл, стæй сæйрагдæр, æххуыс уыдзæн адæмы цард бахъахъхъæнынæн.