Йæ цардæй ахицæн республикæйы зæронддæр журналист Таутиаты Умар

Йæ цардæй ахицæн республикæйы зæронддæр журналист, публицист, фæллойы ветеран Таутиаты Умар. Йе сфæлдыстадон фæндаг райдыдта газет «Рæстдзинад»-ы. Республикæйы минæвæрттæй тæккæ фыццаг кæй райстой Советон паддзахады журналистты Цæдисмæ, уыдонæн уыд сæ раззагдæртæй. Бирæ азты разамынд лæвæрдта Кировы районы газет «Размæ»-йæн, кодта æхсæнадон куыст. Цалдæр хатты Таутиаты Умары равзæрстой Кировы районы советы депутатæй. Телеуынынад куы `рфидар Ирыстоны, уæд æй кусынмæ арвыстой Цæгат Ирыстоны теле- æмæ радиокомитетмæ. Уыдис телеуынынады сæрдары хæдивæг. Фæкуыста дзы 25 азæй фылдæр. Рæдауæй уæрста йæ фæлтæрддзинад. Таутиаты Умар хорзæхджынгонд уыдис республикæйы æмæ журналистты цæдисы кады гæххæттытæй, майдан «Ирыстоны намысæн»-æй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv