Зæххон Куырдалæгон

Арты цæхæртæ, æхсидæны хъæр. Адæмы рагондæр дæсныйæдтæй иу - куырды дæсныйад. Ныртæккæ дæр сæфт нæу. Æфсæйнагимæ чи кусы, уыдоны нымæц нæ республикæйы кæд бирæ нæу, уæддæр чи ис уыдон кусынц бæстонæй. Сæ иу Азиты Бибо. Куырды куыстыл æнувыд у цыппар азы йыл куы цыд, уæдæй нырмæ. Йæ фыццаг кард та скодта 6 аздзыдæй. Йæ дæсныйады сусæгдзинæдтимæ базонгæ нæ уацхæссæг дæр. Куырды куыст бирæ кæй уарзы, уый Азиты Бибо бамбæрста хæрз чысылæй. Дзæуджыхъæуы гæрон æм ис хи куырдадз. Уый йæ дыккаг хæдзар ссис. Йæ хæлæрттæ куыд зæгъынц, афтæмæй æхсаргардтæ æмæ æфсæйнагæй конд хæцæнгарзы тыххæй Бибо зоны алцыдæр. Йæхи къухæй сарæзта бирæ кæрдтæ æмæ æфсæйнагæй конд дзаумæттæ. Куырды куыст кæнын æнцон нæу. Ацы дæсныйад адæймагæй домы бирæ хъару æмæ ныфс. Йæ тызмæг цæстæнгасимæ Бибойæ зæгъæн ис æцæг профессионал. Йæхæдæг куырды куыст бары аивадимæ. Йæ арæзт æфсæйнаг дзаумæтты æмæ кусæнгæрзты хæрзхъæддзинадæн Азиты Бибо дзуапп дæтты. Кусы зæрдæргъæвдæй. Цыргъæгтæ аразынмæ йæм ис аивадон ахаст. Нæ бæстæйы алы регионтæй йæм æрбацæуынц курдиæттæ, Чи йын хъама, чи та йын цыргъаг аразын кæны. Зæххон куырдалæгон уæвын æнцон нæу. Хъуамæ уарзай дæ дæсныйад æмæ дын уа хъæддых къух. Судзгæ артмæ бирæтæ хæстæг дæр нæ бацæудзысты. Бзайты Герман уыдонæй нæу. 13-аздзыд лæппуйы куырдадзæй йæ къах нал хæссы. Йæ уæгъд рæстæг æрвиты ам. Герман Бзайты, Бибойы ахуырдзау: «Фыццаг кард скодтон мæ фыды фыдимæ. Нæ йæ бахсæстон, конд уыд зæронд хырхæй. Бибоимæ кусын мæ зæрдæмæ тынг цæуы. Ахуыр мæ кæны дыууæ азы. Цымыдисаг куыст мæм кæсы. Фидæны мæ фæнды куырды куыст кæнын». Æфсæйнагимæ чи кусы ахæм адæм Цæгат Ирыстоны бирæ нæй. Азиты Бибо ныхæстæм гæсгæ йæ бон ы уа, уый кæндзæн, цæмæй куырды куыст ИРыстоны парахатдæр кæна. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv