Цæгат Ирыстоны ӕххӕст кӕнынц сӕрмагонд спортивон проект

Цæгат Ирыстоны скъоладзаутæн бӕрӕг кӕнынц сӕ спортивон арӕхстдзинад. Проект «Компас спорта»-йы фæлгæты сывæллæттæн сæ бон у лабиринт ацæуын, стæй бæлвырд рæстæгмæ хӕслӕвӕрд сӕххӕст кӕнын. Ацы хъуыды хорзыл банымадтой Республикæйы ахуырад æмæ наукæйы, стæй физкультурæ æмæ спорты министрадты. Спорты хуыз Цæгат Ирыстоны у ног. Скъоладзаутæ йемæ базонгæ уыдзысты, сахуыр уыдзысты æнæзонгæ бынаты арæхсын æмæ раст фæндаг агурын, стæй спортивон картæты нысантæ бахъуыды кæнын. Ног æмæ цымыдисаг ерысы хуыздæр бæрæггæнæнтæ чи равдиса, уыдонæн ратдзысты лæвæрттæ мадзаларазджыты номæй. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv