Куыстмæ рахызтысты

Сирийы сæйраг горæт Дамаскы байгом æппæтдунеон армукъа. Хуссар Ирыстон дзы равдисдзæн йæ инвестион гæнæнтæ. Уый тыххæй журналистттæн фехъусын кодта республикæйы базарадон-промышленнон палатæйы президент Æлборты Алан. Æдæппæтæй армукъайы архайдзысты дæсгай бæстæтæ. Хуссар Ирыстонæн ахæм фадат фæзынд фыццаг хатт. Æлборты Аланы ныхæстæм гæсгæ, республикæ армукъайы архайджытæн равдисдзæн йæ экономикон æмæ инвестицион гæнæнты тыххæй цыбыр видеоæрмæг. Дызæрдыг нæ кæны, инвестортæн цы фадæттæ равдисдзысты, уыдон сæм цымыдисаг кæй фæкæсдзысты. Уæ зæрдыл уын æрлæууын кæндзыстæм, Сири æмæ Хуссар Ирыстоны æмгуыстады тыххæй баныхас кодтой Хуссар Ирыстоны президент Бибылты Анатолий æмæ Сирийы минæвар Уæрæсейы Рияд Хаддад æрæджы сæ фембæлды рæстæг. Æргом ныхасы фæстæ ныр Дамаскы армукъайы æмгуыстады бадзырд бафыссыны фæнд кæнынц Хуссар Ирыстоны æмæ Сирийы базарадон-промышленнон палатæтæ дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv