Цæгатæй-цæгат ирыстонмæ

Дзæуджыхъæумæ гастрольтимæ фыццаг хатт ссыд паддзахадон цæгатаг уырыссаг хоры къорд. Цæгат Ирыстоны аивадуарзджытæн бацæттæ кодтой сæрмагонд концертон программæ. Гастрольтæ сарæзтой "Хæлардзинады хиды" программæйы фæлгæты. Раздæр уал хор концерттимæ уыд Дагестаны, Цæцæны республикæйы æмæ Кæсæг-Балхъары. Дзæуджыхъæуæй та сæ фæндаг акæндзысты Адыгейæмæ. Зарынæй курдиат Цæгатаг хор нæ бавгъау кодта нæ горæты цæрджытæн дæр. Дзæуджыхъæуы сывæллæтты сфæлдыстадон культурæйы галуаны къух бакæнæн нæ уыд. Концерт арæзт уыд дыууæ хайæ. Фыццаджы уал акодтой классикон уацмыстæ, адæмон зарджытæ. Уый фæстæ та азæлыд цæгатаг адæмыхæттыты чындзæхсæвы бындурыл арæзт программæ «Играйте горАже». Цæгатаг хоры истори у хъæздыг æмæ цымыдисаг. Зындгонд сфæлдыстадон къорд 90 азæй фылдæр йе сфæлдыстыд парахатæй лæвар кæны адæмæн. Ацы изæр дæр зарæггæнджытæ сæ курдиатæй аивадуарзджыты зæрдæтæ барухс кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv