Куысты фæдыл фембæлд

Дзæуджыхъæуы æппæт скъолаты бындурыл байгом кодтой сæрдыгонд фæлладуадзæн лагертæ. Уый тыххæй кусæг фембæлды рæстæг нæ республикæйы сæргълæууæг Битарты Вячеславæн фехъусын кодта Дзæуджыхъæуы администрацийы разамонæг Æлбегаты Барис. Куыд фæнысан кодта, афтæмæй, лагертæ иуылдæр дзуапп дæттынц æдасдзинады домæнтæн. Уымæй уæлдай ма сæрдыгон рæстæг фылдæр цæстдард цæуы фæлладуадзæн бынæттæм дæр. Æлбегаты Барисы ныхæстæм гæсгæ Дзæуджыхъæуы æмæ Мæздæджы доны станцæтæ техникон æгъдауæй сты цæттæ. Битарты Вячеслав куыд фæбæрæг кодта, афтæмæй адæмæн æдасæй баулæфыны уавæртæ саразын сæйрагдæр хæс у. Фæсидт Дзæуджыхъæуы сыгъдæгдзинады фарстатæм фылдæр æргом здахынмæ дæр. Фембæлды рæстæг ма куыд фехъусын кодтой, афтæмæй хæстæгдæр рæстæг Къостайы проспекты райдайдзысты трамвайты рельсытæ ивын. Куыстытæ кæндзысты нырыккон домæнтæм гæсгæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv