«Hikond»

25-æм æмæ 26-æм майы сфæлдыстадон лаборатори «Портал»-ы хъæппæрисæй Дзæуджыхъæуы байгом уыдзæн хиконд дзаумæтты армукъа. Аразгæ дæр æй йе `мном сфæлдыстадон лаборатори кæны. Ирон æрмдæснытæ дзы равæрдзысты хи къухæй хуыд национ уæлæдарæс, хъуырыл даргæ æмæ æндæр дзаумæттæ, хиконд сапæттæ, иронау чи дзуры, ахæм хъазæнтæ, быд хызынтæ, хъæдæрмæг æмæ керамикæйæ конд нывæфтыдтæ. Армукъа «Hikond» феныны фадат уыдзæн канд нæ республикæйы цæрджыты нæ, фæлæ ма Уæрæсейæ æмæ фæсарæнтæй æрбацæуæг адæмы дæр. Уæ зæрдыл ын æрлæууын кæндзыстæм, сфæлдыстадон лаборатори «Портал» цалдæр азы размæ кæй равзæрд. Цыбыр рæстæгмæ йын бантыст бирæ цымыдисаг мадзæлттæ саразын. Сæ ирддæр - æрмдæсныты равдыст-армукъа «Hikond», зæгъгæ. Нæ республикæйы йæ сарæзтой 11-æм хатт. Фæстаг хатт армукъа адæм бабæрæг кодтой ацы аз мартъийы мæйы. Хиконд дзаумæттæ дзы равæрдтой 25 æрмдæсныйы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv